സമഗ്ര ശിക്ഷ കേരളം ബി ആർ സി അന്തിക്കാടിന്റെ നേതൃത്വത്തിൽ 13 ഹൈസ്കൂളുകളിലെ ശാസ്ത്രരംഗം കൺവീനർമാരെയും 9 ഹയർസെക്കൻഡറി സയൻസ് അധ്യാപകരെയും പങ്കെടുപ്പിച്ചുകൊണ്ട് 18.11.2022 വെള്ളിയാഴ്ച ശാസ്ത്രപഥവുമായി ബന്ധപ്പെട്ട് ഏകദിന ശില്പശാല സംഘടിപ്പിച്ചു. ശാസ്ത്രരംഗത്തിന്റെയും കെ.ഡിസ്ക്കിന്റെയും സഹകരണത്തോടെ നടത്തുന്ന ശാസ്ത്രപഥം കഴിഞ്ഞ വർഷങ്ങളിൽ നിന്നും വ്യത്യസ്തമായ രീതിയിൽ ആണ് നടപ്പിലാക്കുന്നത്. ജി. എൽ.പി.എസ് അന്തിക്കാട് വെച്ച് പഞ്ചായത്ത് പ്രസിഡന്റ് ശ്രീമതി.ജ്യോതി രാമൻ ഉദ്ഘാടനം ചെയ്തു.അന്തിക്കാട് ബിപിസി ശ്രീമതി സിന്ധു കെ എച്ച് സ്വാഗതം പറഞ്ഞ ചടങ്ങിൽ അന്തിക്കാട് ജി എൽ പി എസിലെ എച് എം ശ്രീമതി സീന സി.വി ആശംസകൾ പറയുകയും സി ആർ സി സി രശ്മി എ കെ നന്ദി പറയുകയും ചെയ്തു. ശാസ്ത്രപഥം ആർപി മാരായ എസ് എൻ ജി എസ് എച്ച് എസ് എസ് കാരമുക്കിലെ അശ്വിനി അന്തിക്കാട് ബി ആർ സിലെ സി ആർ സി സി രശ്മി എ കെ എന്നിവരുടെ നേതൃത്വത്തിൽ ശാസ്ത്രപഥത്തിന്റെയും ശാസ്ത്രരംഗത്തിന്റെയും പ്രവർത്തനങ്ങളെക്കുറിച്ചും സഹകരണത്തോടെ നടത്തുന്ന വൈ ഐ പി ശാസ്ത്രപഥം പ്രാവർത്തികമാക്കുന്നതിലൂടെ കുട്ടികൾക്ക് ലഭിക്കുന്ന അവസരങ്ങളെ കുറിച്ചും വിശദീകരിച്ചു നൽകി.പരിശീലനത്തിൽ പങ്കെടുത്ത അധ്യാപകരെല്ലാം അവരുടെ ആശയങ്ങൾ പങ്കുവയ്ക്കു കയും സംശയദൂരീകരണം നടത്തുകയും ചെയ്തു.
No comments:
Post a Comment